LlGC Llsgr. Peniarth 32 (Y Llyfr Teg) – tudalen 245
Ystoria Adda
245
amser moysen. Ac yn hynny o oessoed ny orỻỽy+
dassant. Ac eissoes ny choỻassant eu hirder nac
eu deil. A phan tywyssaỽd moessen. Ac yn hynny
proffỽyt pobyl yr israel y maes o|r reifft dros y mor
coch y doeth moessen y diffryn ebron. A phan luestaỽd
y kauas y teir gỽyalen yn seuyỻ yno. ac y|diwrei+
daỽd troy* ofyn ac ereneic rac duỽ. kanys rac dahet
yr arogleu a wascaraỽd ym·plith y ỻu oỻ o|r gỽyal
hyt pan dybygei paỽb o·nadunt eu ry|dyuot y|r
wlat adawedic udunt. Ac sef oed honno gwlat kae+
russalem. Ac yna y dodes moessen ỻef vchel ac y
dywaỽt. Myn y wiryoned y teir gỽyalen hyn
a arỽydoccant y trindaỽt lan. A gỽydy hynny
y kymmerth moessen y gỽyeil trỽy lewenyd
maỽr. Ac y dodes y|myỽn ỻiein tec. ac y|duc
gantaỽ yn ỻe creireu gỽerthuaỽr hyt tra uu
yn|y diffeit*. A|phan vrathei neidir neb o|r bobyl
y|deuei y brathedic ar voessen. ac y rodei gussan
y|r gỽyal. ac yr oric honno y bydei iach. Ac yna
y damweinyaỽd vnweith ymgeinaỽ o|r pobyl
yr israel a duỽ ac a moessen o achaws na cheffynt
dỽfyr ỽrth eu hagen. Ac yna y dywat moessen troy*
y lit. Py fford pobyl agredadỽn y credỽch chwi
gaỻu o·honam ni kaffel dỽfyr o|r garrec galet
hon. Ac y trewis ef y garrec dỽy·weith a|r wyalen
Ac y neidyaỽd y dỽfyr o|r garrec yn amhyl A
| « p 244 | p 246 » |