LlGC Llsgr. Peniarth 35 – tudalen 57r
Llyfr Cynghawsedd
57r
e dodaf ỽyneỽ tan athỽyty en treftadauc
kyfreithaul en| e lle arall hyt na deleaf ỽyneỽ
atep y ty bellach o tref tat ac ena e| mae
Jaun gadel e guybidyeit er amdiffenur
o guata er haulur. Onys guata gunell eỽ
a dyỽarner en tragewedaul o vamuys.
Deruyd e| den holy tyr a dayar o datanud
Try ryỽ datanud issyt. Datanud bu+
rn a beych. a datanud carr. a datanud ar
ac eredic. a ty ac anlloyd. Ny byt datanud
er ỽn o|r rey henne ep rod ac estyn e gan ar+
gluyd. Ny dely den holy datanud namyn
er argluyd a anhudo den e hun neu er arg+
luyd a anhudo e tat cen noc ef. Ny dely den
holy tyr o datanud er bot e hentat neỽ e or+
hentat ar e tyr ony myn e holy o ach ac edryff.
O deruid e den holy tyr o datanud ar ac e+
redyc a ty ac anlloyt. Deỽet ar e tyr en am+
ser e bo agoret kyfreith a| dewedet er reỽot ef en
eyste neỽ y tat cen noc ef ar e tyr hun ar da+
yar druy estyn argluyt ac ar ac eredic.
a ty ac anlloyt blỽyden a blỽydeneth a|y re
berru en agkyfreithaul y arnaỽ. ac ossyt a amhe+
ỽo henne bot ydau dygaun a gatwo er re+
ỽot ef en kehyt a henne. ac o wyd a amhe+
ỽo ereherru en agkyfreithaul bot ydau digaun
a guypo. ac en dody ar e| kyfreith deleu o·honaỽ
ef deuot e datanhudau er argluyt a an+
hudassey ef neỽ e tat cen noc ef. ac atep
| « p 56v | p 57v » |