LlGC Llsgr. Peniarth 36B – tudalen 45
Llyfr Blegywryd
45
heb wadu vn ohonunt yn erbyn y
gilyd; nac yn erbyn y|distein. Whe
phunt vyd. Os o vaes yr llys y|byd;
teir punt vyd. Or palla reith y|neb
a|diwatto ymlad; dirỽys vyd megys
na wattei dim. Diuỽyn dirỽy treis
morỽyn yỽ; gỽialen aryant. a ffiol
eur a|chlaỽr eur mal y dywespỽyt
am eu messureu yn diuỽyn sarhaet
brenhin; Diuỽyn dirỽy ymlad yỽ;
deudeg|mu. Diuỽyn dirỽy letrat
yỽ kyssỽynaỽ lletrat ar dyn; a gỽa+
du ohonaỽ yn da ar y tauaỽt. a gos ̷+
sot reith arnaỽ. Ae phallu. lleidyr
kyfadef kan pallỽys y|reith. Gỽiry ̷+
on oe pen e|hunan ae tauaỽt. ny
delit dim yn|y laỽ ny chaffant dim
gantaỽ; deudeg|mu dirỽy arnaỽ.
TEir rỽyt brenhin ynt; y
teulu. Ac allwest y veirch.
| « p 44 | p 46 » |