LlGC Llsgr. Peniarth 38 – tudalen 4v
Llyfr Blegywryd
4v
ar lad y dyn gan y odef. Dros pop vn o|r
tri kyntaf o|r affeithoed hyn o|r adefir.
y telir naỽ vgeint aryant. a llỽ canỽr
y ỽadu gollỽg gỽaet o|r gofynnir. Dros
pop vn o|r eil tri y telir deunaỽ ugeint
aryant. a llỽ deucanỽr y ỽadu llofrud ̷ ̷+
yaeth. Dros pop vn o|r tri diỽethaf y
rodir trinaỽ ugeint aryant. a llỽ trych+
anhỽr y ỽadu llofrudyaeth. Pỽy bynhac
a ỽatto llofrudyaeth a|e holl affeitheu;
llỽ degỽyr a deu ugeint a dyry. a reith
gỽlat yỽ honno. a diỽat coet a maes
y gelỽir. ac velly heuyt. y neb a ỽatto
llofrudyaeth ar ỽahan y ỽrth y haffei ̷ ̷+
theu. neu vn affeith heb amgen. llỽ i
degỽyr a deu ugeint a dyry. ac velly
y|m·ae am losc. ac am ledrat. ac eu haf ̷ ̷+
feitheu o|r holir y llosc o treis neu o led+
rat. ac o|r lloscir dyn ẏn|y llosc hỽnnỽ;
tri dyn diofredaỽc a|dyly bot yn|y reith.
Pỽy|bynhac a|adefo llofrudyaeth. ef
| « p 4r | p 5r » |