Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 66v

Llyfr Blegywryd

66v

triph* a|gyll y neb a treisser. y|dyn. neu y tir. neu y|da arall
kychỽynaỽl neu y vreint. Tri ryỽ amdiffyn yssyd. vn
yỽ nat atteper yn an·amseraỽl yr gofyn. Eil yỽ atteb hyt
nat atepper byth yr gofyn  amdiffyn gan atteb
mal na|choỻer dim yr yr haỽl. Tri|pheth nyt reit atteb
y|neb ohonunt. vn yỽ peth ny bo diebredic yn erbyn
kyfreith. Eil yỽ gỽeithret y galler dangos y argyỽed
o|r gỽneir ac ny|dangosser. Trydyd yỽ collet ny|ỽyppo
gỽlat o|neb ryỽ hyspysrỽyd y|r haỽlỽr y golli. Tri ryỽ
diebryt yssyd. vn yỽ dỽyn peth ac nat atuer drachefyn.
Eil yỽ adaỽ argyỽed ar dyn neu ar yr eidaỽ heb ỽneu+
thur iaỽn na hedychu ymdanaỽ. Trydyd yỽ diebryt
dyn o|e dylyet dros amser y talu. O|tri mod y kae kyf+
reith rỽg haỽlỽr ac amdiffynnỽr. vn yỽ o|golli y|amser.
a|hỽnnỽ a|damỽeinha o|laỽer mod. Eil yỽ o haỽl heb
perchen. Trydyd yỽ o|teruynu y|dadyl kyn no hynny.
Tri|theruyn haỽl kyfreithaỽl yssyd. vn yỽ teruyn
o|gyfundeb pleiteu. Eil yỽ teruyn gossodedic rỽg pl+
eiteu trỽy gymrodedỽyr. Trydyd yỽ teruyn trỽy
varn. Teir dadyl a|dylyant eu iachau ac eu barnu