LlGC Llsgr. Peniarth 45 – tudalen 106
Brut y Brenhinoedd
106
y urenhinyaeth. Ac uudhau* a wnaeth E+
udaf yr kyghor hỽnnỽ a rodi helen y uerch
a|e teyrnas genti y uaxen uab llywelyn. ~ ~
Ac gỽedy gwelet hynny o kynan meirydaỽc
llidyaỽ a wnaeth ynteu a mynet o·dyno
partha* ar alban a chynnullaỽ llu dirua+
ỽr y ueint gantaỽ a ryuelu ar uaxen; ~ ~
AC ar llu hỽnnỽ dyuot trỽy humyr
ac anreithaỽ y gỽladoed o bob parth
ac gỽedy menegi hynny y uaxen kynnu+
llaỽ a oruc ynteu y llu mỽyhaf a allỽys a
dyuot yn|y erbyn a rodi cat ar uaes y kynan
meirydaỽc a|e yrru ar fo. Ac ny pheidỽys
kynan namyn kynnull y lu eilweith a
llosgi y gỽladoed a|e hanreithaỽ ual kynt
a gweitheu gan uudugolaeth weitheu
hebdi yd|ymchoelei uaxen y ỽrthaỽ. Ac o|r di+
wed eissoes gỽedy gỽneuthur colledeu ma+
ỽr o bob parth; kymmot a wnaethant a
AC ym pen ys +[ dyuot yn un caryat.
peit pum mlyned syberwau a wna+
eth maxen o amylder eur ac aryant a
marchogyon. A pharatoi llyghes a oruc
a chynnullaỽ llu a holl ymladwyr ynys.
prydein. Ac a gauas o leoed ereill. Ac gỽedy bot
pob peth yn paraỽt kychwyn partha* a|lly+
| « p 105 | p 107 » |