LlGC Llsgr. Peniarth 45 – tudalen 228
Brut y Brenhinoedd
228
enwed anryded amherodraeth ruuein. Ac ỽrth hyn+
ny Bryssya titheu y gymryt y peth y mae duỽ
yn|y rodi it trỽy y haelder ef. Bryssya y dyrch+
auel dy wyr a|th teulu y rei ny ochelant o|r byd
reit rodi eu heneit ythyrchauel ditheu ac y|th
urdaỽ. Ac yn nerth it yr neges honno mi ach+
wanegaf dy lu. O deng mil o uarchogyon ar+
uaỽc. Ac gỽedy daruot y hywel teruynu ar y
ymadraỽd. y dechreuis araỽn uab kynuarch
dywedut ual hyn. Er pan dechreuis uy arglỽ+
yd i danllewychu y uedỽl. Kymeint o lewenyd
a|esgynnỽys ynof ac na allaf y uenegi ar uyn
tauaỽt. Canyt oed dim genhyf ry oresgyn y sa+
ỽl teyrnas a oresgynnassem gan dianc gwyr
ruuein a germania heb y goresgyn. a|e hestỽng
y arthur. Ac heb dial arnadunt y saỽl aerua
ry wnathoedynt gynt oc an|ryeni ninheu. A
chan ydys yn darogan bot kyuranc yrom ni
ac wynt. diruaỽr lewenyd yssyd ynof ui am
hynny. A chymeint yỽ arnaf sychet eu gwaet
a chet bydhỽn heb diaỽt teir nos a thri dieu ac
yn gwelet fynhaỽn rac uym bron. Arglỽyd
heb ef Gwyn y uyt a arhoei y dyd hỽnnỽ yn|yr
hỽn y gallem ni ymgyuaruot ac wyntỽy. ~
melys awelioed uydei genhyf i yr rei a|gyme+
| « p 227 | p 229 » |