LlGC Llsgr. Peniarth 46 – tudalen 233
Brut y Brenhinoedd
233
cadarnnhaỽyt kyghreir yrydunt.
AC gỽedy goruot o emreis ar|y saes+
son. Galỽ a|ỽnaeth attaỽ Jeirll. a|barỽn+
eit. a marchogyon urdolyon. ac esgyb.
ac yscolheigyon yr holl teyrnnas hyt
yg caer euraỽc. ac erchi vdunt atned+
ỽydhau yr eglỽysseu. a|r daroed y|r sa+
esson eu distryỽ hyt y dayar. ac yna y
kymyrth y brenhin ar|y gost e|hun at+
neỽydhau pob eglỽys trỽy y|gyuoeth.
ac ym·penn y|pemthecuettyd gỽedy gos+
sot seiry. a gỽeithỽyr ỽrth yr eglỽys+
seu y|kychỽynỽys y brenhin parth a|llun+
dein. y|r lle heuyt nyt arbedassei y saes+
son. a dolurya* yn uaỽr am hynny a or+
uc y brenhin. ac erchi udunt atneỽyd+
hau y dinas. a|e heglỽysseu. ac yna y|m*
mynnỽys y|brenhin atnyỽedheu y kyfreitheu.
a|oedynt yn kysgu trỽy hir amser gann
eturyt y|r plant dylyet eu ryeni a|r
gollyssynt trỽy laỽer o amser. a holl
| « p 232 | p 234 » |