LlGC Llsgr. Peniarth 9 – tudalen 9v
Ystoria Carolo Magno: Rhamant Otfel
9v
lur a|thristỽch yny deuth y agheu ynteu. y ch+
wedyl gỽell yỽ ac odi·dogach cany cheffir gan
veird na chroyssanyeit rei a beidỽys oll ac
ef am na ỽybuant dim y ỽrthaỽ. namyn ca+
nu y danger alandri y neb y gỽybuant y ỽrth+
unt. Ac o|r hyn a ellynt y hunein y dychymygu.
Ny ỽybuant hỽy hagen dim o|r collet dessy+
ueit a deuth yr amheraỽdyr charlys.
PAn yttoed charlys vrenhin ffreinc duỽ
gỽyl vil veibon yn|y dinas a elwir paris we+
dy yr gynhal ohonaỽ yn|y llys gỽyleu y na+
dolic yn arbenhic anrydedus. Ar deudec go+
gyfurd o ffreinc gyt ac ef ac anneiryf o ie+
irll a barỽneit a marchogyon urdaỽl a ffob
rei onadunt yn digrifhau y brenhin a|y
niver. Ac yn|y llawenhau hyt y gellynt ore+
u o gytuundeb hỽynt a ossodyssant dadleu.
Ac yn hỽnnỽ hỽynt a ymgadarnhayssant
drỽy kyflyed yd eynt y ryuelu yn erbyn
varsli brenhin yr yspayn. a hynny vedy dar+
ffei vis ebrill a chael o·nadunt llyseuoed ne+
wyd a gỽellt ir y meirch. kyn kanu gosper+
eu hagein yn|y dref. hỽynt a glỽyssant y ch+
wedleu ereill ry lad vgein mil oc eu ffreinc
onyt ystyrywys duỽ onadunt y gỽr a wy+
nathoed yr holl vyt. Sarascin o|r yspayn.
Otuel oed y enỽ. gỽr a|wedei yn anrydedus
o bedeir fford o ardyrchogrỽyd pryt. a|che+
dernit yn arueu. A chenedyl a doythineb a
| « p 9r | p 10r » |