Breudwd Rhyddiaith Gymraeg 1300-1425
English

LlB Llsgr. Ychwanegol 19,709 – tudalen 37v

Brut y Brenhinoedd

37v

1
y hanerchassant o|pleit amherodron rufein a|e sened.
2
a|menegi idaỽ a|wnaethant ry|anuon Maxen a|chenadv+
3
ri gantav y gan amherodron rufein ar eudaf vrenhin
4
ẏnẏs. prydeinac yna y gofynnvys kynan meirẏadavc py ach+
5
avs yr dothoed ỻu kymeint a hvnnv gantav a|dywedut
6
nat oed tebic y gerdedyat kenadeu. namyn y gerdedyat
7
gelynyon a vynynt anreithav gvladoed. ac yna y dywa+
8
vt y kenadeu nat oed tec kerdet gvr kyfurd a|maxen
9
yn anogonedus heb luossogrvyd o getymdeithon enry+
10
dedus y·gyt ac ef. kanys veỻy y|mae teilvg kerdet y+
11
gyt ac ef kanys veỻy y|mae teilvg kerdet y·gyt a|phob
12
vn o amherodron rufein. Rac kaffel perigyl a|chewilyd
13
y gan eu gelynyon kerdet toruoed ỻawer a|bydinoed ẏ
14
eu kadỽ y|ford y|kerdont. tagnefed a geissant tagnefed
15
a|dyborthant. ac arvyd yv hẏnnẏ. yr pan doethant y|r
16
tir y|r ynys hon. na gryn na sarhaet na threis y neb
17
Namyn yr eur ac aryant prynu eu kyfreideu me  ̷+
18
gys kenedyl dyborthaỽdyr hedvch heb geissav nac
19
y treis nac yn rat dim y gan neb. ac val yd oed ky  ̷+
20
nan meiradavc yn pedrussav beth a|wnelei ac ymlad
21
ac vynt a|e hedychu. dynessau attav a|wnaeth ka+
22
radavc iarỻ kernyv a gvyrda y·gyt ac ef a|chyghori
23
hedychu ac vynt. a|chyn bei drvc gan kynan rodi he+
24
dvc a wnaethpvyt vdunt. a|dvyn maxen y·gyt ac
25
vynt hyt yn ỻundein at eudaf vrenhin y brytanyeita dat  ̷+
26
kanu idav mal yr daroed vdunt  
27
A c yna y kymerth karadavc iarỻ kernẏv gvyrda
28
y·gyt ac ef a gvedy eu dyuot rac bron y bren+