LlB Llsgr. Cotton Cleopatra A XIV – tudalen 57r
Llyfr Cyfnerth
57r
lỽg bot guerth guaet dyn yn gyfuỽch a guerth
guaet duỽ. kyn bei guir dyn ef guir duỽ o ̷+
ed ac ny fechỽys yn| y gnaỽt. Teir creith
gogyuarch yssyd. creith ar ỽyneb dyn whe
vgeint a tal. creith ar geuyn y laỽ. trugeint
a| tal. creith ar geuyn y troet dec ar hugeint a tal.
SEf yỽ meint galanas maer neu gyg ̷+
hellaỽr. naỽ mu a naỽ ugein mu gan
tri dyrchauel. Sarhaet pop vn o·honunt
yỽ naỽ mu a naỽ u·geint aryant. Punt
yỽ ebediỽ pop vn o·honunt. Punt yỽ go ̷+
byr eu merchet. Teir punt yỽ eu cowyll.
Seith punt yỽ eu heguedi. P·edeir bu a
phetwar vgeint aryant yỽ sarhaet teulu+
ỽr brenhin os o hynny yd ymardelỽ. Teir
bu a| telir yn sarhaet teuluỽr breyr nyt
amgen tri buhyn tal beinc. Or a merch
maer neu gyghellaỽr neu penkenedyl.
neu vn o arbenigyon llys yn llathrut
heb rod kenedyl. naỽ eidon kyhyt eu kyrn
ac eu hyskyuarn vyd eu heguedi.
| « p 56v | p 57v » |