LlB Llsgr. Cotton Cleopatra A XIV – tudalen 62r
Llyfr Cyfnerth
62r
hagen pan y mynho y brenhin y lluydir y
gyt ac ef yn| y wlat e| hun. Y kynydyon ar
hebogydyon ar guastrodyon un weith yn| y
ulỽydyn y caffant gylch ar tayogeu y bren ̷+
hin pop rei hagen ar wahan.
Naỽ tei a| dyly y tayogeu y wneuthur yr
brenhin. Neuad. Ac ystauell. kegin a| ch ̷+
apel. Yscubaỽr. Ac odynty. Peirant. Ac ystabyl.
A chynorty. Y gan y tayogeu y| doant pyn·ue ̷+
irch yr brenhin yn| y luyd. Ac o pop tayoctref
y keiff gỽr a march a bỽyall ar treul y bren+
hin hagen y wneuthur lluesteu. Tri pheth
ny werth tayaỽc heb canhyat y arglỽyd.
march. A moch. A mel. os gỽrthyt yr arglỽyd
gysseuyn guerthet ynteu yr neb ae mynho
guedy hynny. Teir keluydyt ny dysc ta ̷+
yaỽc y uab heb canhyat y arglỽyd. yscolhe* ̷+
ictaỽc A bardoni. A gouanaeth. kanys os di ̷+
odef y arglỽyd hyny rother corun yr yscoel* ̷+
heic neu hyny el gof yn| y eueil e| hun. neu
vard ỽrth y gerd ny ellir eu keithiwaỽ
guedy hynny
| « p 61v | p 62v » |