LlB Llsgr. Cotton Cleopatra A XIV – tudalen 86v
Llyfr Cyfnerth
86v
yn| y blaen. A guedy hynny llog y sỽch ar
cỽlltyr. Odyna llog yr ych goreu yn yr
aradyr. Odyna llog y cathreaỽr. Ac ody+
na o oreu y oreu or ychen. Ny dyly neb
o tayaỽctref eredic hyny gaffo paỽb or
tref gyfar. Or byd marỽ ych o tra eredic
y perchenaỽc a geiff erỽ a honno a elwir
erỽ yr ych du.
POp gỽystyl a dygỽyd ym pen y naỽ+
uetdyd eithyr y rei hyn. Arueu e ̷+
glỽyssic ny dylyir eu gỽystlaỽ a chyt
gỽystler ny dygỽydant. Cỽlltyr a| chall ̷+
aỽr a bỽell gynnut ny dygỽydant uyth
kyt gỽystler. Oet vn dyd a blỽyn yssyd
y eur a llurugeu a llestri goreureit pan
ỽystler. Kyfreith benfic yỽ y dyuot mal
y rother. Y neb a rotho benffic a dyly kym+
ryt tyston rac mynet yn| y erbyn. Or eir
en| y erbyn a gordiwes or perchennaỽc ar ̷+
naỽ talet yn deudyblic. Y neb adaỽho
da y arall ac os diwat pan delher y ouyn.
kyfreith
| « p 86r | p 87r » |