Llsgr. Caerdydd 1.363 (Hafod 2) – tudalen 17v
Brut y Brenhinoedd
17v
y welet katwent ac ymdrech yr·rygthaw ef a co+
ryneỽs. kanyt oed dym dygryfach kanthaỽ no|r ry+
w katwent honno. Ac y ymdrech yd aeth coryneỽs
ar kawr. a phob vn onadvnt a kymyrth gaỽael ar+
dỽrn ar y gylyd ac ymtaraỽ. a gwascỽ a orỽc|y ka+
wr coryneỽs attaỽ a|thorry teyr assen yndaw ỽn
yn yr ystlys deheỽ. a dwy yn yr ystlys assỽ. A llydy+
aw a wnaeth coryneỽs. a dyrchaỽael y kawr ar y
yskwyd a orỽc. ac o|r ỽeynt y|gattey pwys yr agky+
ghel hỽnnỽ redec a wnaeth a chyrchỽ penn gorw+
chel karrec a bỽrỽ yr anthyghedỽenaỽl anyỽeyl
hỽnnỽ y ar y yskwyd trwy yskythred kerryc hyt
pan wu yn vyl o dryllyeỽ. ac yny gochassant y|ton+
neỽ o|y waet ef. Ac yr hynny hyt hedyw y gelwyr
y lle hvnnỽ llam Goemagoc neỽ ynteỽ megys y geylw
ereyll ef llam y kawr.
AC yna gwedy rannỽ o vrỽtỽs y teyrnas yr rw+
ng y wyr ynteỽ a chwenychws adeylat dynas.
Ac ynteỽ a edrychws pa le y bey teylwng kanth+
aỽ adeylat dynas a ỽey kyfỽrd ar hỽnn a ỽynney
ynteỽ y wneỽthỽr. Ac gwedy krwydraw oho+
naỽ llawer o leoed o|r dywed ef a deỽth hyt ar
aỽon themys. ac yno y kaỽas le a wu adas kanth+
aw wrth adeylat. Ac yno yd adeylỽs ef dynas ac
| « p 17r | p 18r » |