Llsgr. Caerdydd 3.242 (Hafod 16) – tudalen 78
Rhinweddau Bwydydd
78
Berỽr; gỽressaỽc a sych ynt. todi y fleuma a wnant a|r
vygodorth drom a|wnant. Yr|apiỽm; gỽressaỽc a sych
yỽ yn|y dryded rad. gostỽng mygodorth a pheri urin a dy+
uot blodeu a|wna. ac agori kaeedeu yr|auu. neu|r splen.
ac eissoes dolur yn|y penn a|wna. Y figys gỽressaỽc ynt
yn|y rad gyntaf a gỽlyb tra vont ir. a sych yn|yr eil rad. ar+
dymherus rỽng gỽlybỽr a|sychdỽr. kyuartal y magant.
gỽaet da a|wnant. ebrỽyd y todir. da rac y pessychu. a|da
y|r dỽy·vronn ac y|r ysgeueint ac|y|r chỽyssigen. a|r|arenneu.
a vỽytao ỻawer ohonunt yn vynych ỻeuaỽc vyd. Mỽy+
ar; oer ynt yn|y rad gyntaf. a gỽlyb yn|yr eil. o|r bydant
aeduet dilifraỽ a|wnant. ony bydant; oeri a chaledu bo ̷+
ly a|wnant. Eirin a sirian; oer ynt yn|y rad gyntaf
a|gỽlyb yn|yr eil rad. oerach vyd y rei suryon. a haỽd eu
eu*|dilifraỽ. a gostỽng gỽres a wnant. Y|rei per amgen;
haỽs a gỽeỻ y|parant dilifraỽns. ỻei amgen y|perir
y rei sychyon no|r|rei ir. Os kynn bỽyt y|kymerir ac
yfet hen|win da yn eu hol nyt argywedant. Geỻic aed+
uet; os|gwlyb vydant oer ynt. os sych ardymherus ac
oerach yỽ y rei suryon o chymerir kynn bỽyt kale+
du a|wnant. a gỽeỻ ynt gỽedy bỽyt. O|chymysgir
a|gỽin da kadarnhau y kyỻa a|wnant. a|thynnu
y|mygodorth a gyuotto y vyny o·honaỽ. Persit*; oer
a gỽlyb ynt. yn|yr eil rad a|r rei a|vo haỽd eu gỽaha+
nu y ỽrth yr esgyrn. ac yn|dynerus eu substans; kynt
y|todir. kynn bỽyt y|dylyir eu|bỽyta a|e kymysgu a
gỽin goreu o|r|a|vo. Opyners; oer a sych ynt yn|y
| « p 77 | p 79 » |