LlB Llsgr. Harley 958 – tudalen 46r
Llyfr Blegywryd
46r
Os trỽẏ datanhud gẏt a beich kefẏn ẏ|do+
eth ẏ|r tir a gẏnhelis ẏ tat gẏnt hẏt varỽ.
tri·dieu ẏ keiff gorffowẏs. Ac ẏn|ẏ trẏdẏd
dẏd ẏ|dẏrẏ attep. Ac ẏn|ẏ naỽuet barn. Pẏ
dẏỽ bẏnhac ẏ barnher datanhud. nẏ dich+
aun neb o gyfreith ẏ ỽrthlad o·honaỽ onẏt
etiued priodaỽr ar datanhud herwẏd ẏ
oet. sef ẏỽ hỽnnỽ ẏr hẏnaf kanẏ dichaỽn
ẏr eil datanhud gỽrthlad ẏ kẏntaf. Ac nẏ
dichaỽn vn ampriodaỽr gỽrthlad ampri+
odaỽr araỻ. Ac o|r bẏd amrẏsson rỽg deu
etiued kẏdrẏchaỽl. nẏ dichaỽn vn gỽrth ̷+
lad ẏ|gilẏd o gifreith. O|r deu etiued gẏf+
reithaỽl. vn a vẏd priodaỽr ar datanhud
cỽbẏl a|r ỻaỻ a vẏd ampriodaỽr. Yr vn
hagen a vẏd priodaỽr ar datanhud cỽbẏl
kanẏt prẏaỽt datanhud ẏ neb namẏn
ẏ|r braỽt hẏnhaf o|r brodẏr oỻ. Breint
oet ẏ braỽt hẏnhaf. a|wna ẏ brodẏr ieu+
haf ẏn ampriodolẏon. Ac a|e gỽna ẏnteu
ẏn vn priodaỽr ar datanhud o gỽbẏl. O|r
daỽ ẏ rei ieuhaf kẏn noc ef ẏ gaffel datan+
hud. pẏ brẏd bẏnhac ẏ del ẏnteu. ef a|e gỽrth+
lad oỻ. Ac a geiff datanhud o gỽbẏl. Os ẏ+
gẏt ẏ gouẏnant. ẏ·gẏt ẏ kaffant mal ẏ
dẏwespỽẏt vrẏ. Y braỽt hẏnaf heuẏt
| « p 45v | p 46v » |