Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 21v
Ystoria Lucidar
21v
hav o|r eifft velly kymeint a|hynny o amser
popyl gret y|rydit a|gollessynt ar|tref eu|tat
ym|paradỽys. Gỽedy kyuodi crist. a|ydiỽ y|gy+
ulaỽn leỽenyd yr aỽr honn y|grist. O|beth
y|mae. o beth arall nyt ydiỽ. herỽyd y ber+
son e|hun y|mae idaỽ yn gyfulaỽn.
herỽyd yr eglỽys yr honn yssyd corff idaỽ.
nyt ydiỽ. kanyt yttynt gỽbyl gỽe ̷+
dy ry|darestỽg ydan y|draet ef etỽa. y|ma+
ent yr Jdeon yn gỽatỽar amdanaỽ. ar saras+
cinnyeit yn|y gellweiraỽ. A rei yssyd a cham+
gret gantunt yn|y dryllyaỽ. A|rei drỽc yn
ymlad ac ef. Ac velly yn|y aelodeu e|hun y
mae beunyd yn|y diodef. Pann gynnullo ef
oll hynny attaỽ. yna y keiff ef y|gyfulaỽnn
lewenyd. Pa delỽ y|mae yr eglỽys yn gorff
idaỽ ef. ar etholedigyon yn aelodeu idaỽ ef.
Megys y|mae y|corff yg glyn vrth y|penn. Ar
penn yn lyỽyd arnaỽ. Velle y|mae yr eglỽys
drỽy leindit corff crist gỽedy ry|gyssylltu vr+
thaỽ. ac yn vn ac ef. A phaỽb o|r rei kyfya+
ỽn yn|y vrdas megys aelodev. ar penn hỽnnỽ
yn|y llyỽaỽ. llygeit y|penn hỽnnỽ yỽ y|profỽy+
di a|dyỽedyssant y|pethev rac llaw. Ar ebestyl
a|dugant ereill o fford gyfueilornn y|oleuni
| « p 21r | p 22r » |