Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 69v
Ystoria Lucidar, Marwolaeth Mair
69v
megys mein pedrogyl drỽy y|goruchaf seer.
Sef yỽ y|rei hynny yr etholedigyonn a|lyỽ+
ennhaant o|r petwar|nerth pennaf. nyt am+
gen. prudder. A|chernnyt*. A|chyfyaỽnder.
A|chymedrolder. O|r rei hynny y kyỽeirir
muroed karussalem. Y|mein ereill garỽ
hep gaboli a|uu anaf gann y|pennssaer. nyt
amgen. no rei ennỽir a|vyrryỽyt yn tan
vffernn. Y|rei gỽirion a|diengis odyno a|uyd
mur kadarnn ygrist drỽy lyỽenyd tragy+
ỽydaỽl amen. Duỽ a|th gyfulaỽnno tithev
oruchaf athro o ogonyant y|seint. A gỽe+
let ohonat brenhin nef yn|y nef yn anry+
ded. A daoed karussalem yn holl dydyeu dy
uuched. Amen. Ac velle y|teruyna
Yn|y mod hỽnn y|treithir val yd aeth meir y|nef
*MElito was crist. escob eglỽys sardinei yn
anuon annerch myỽn taghonoued crist.
o|e anrydedusson vrodyr yg|krist. y|rei yssyd
yn press ỽylaỽ yn laodicia. Paham nat a+
dolygỽch chỽi ymi deu weithret. o|uuched
y|proffỽydi. Ac o arglỽydiaỽl gnaỽtolyaeth.
A|e anuon yỽch y|myỽn llyuyr o neỽyd. A|ch+
eissaỽ heuyt diheurỽyd o varỽolyaeth mam
yn harglỽyd ni. Ac y|venegi yỽchỽitheu y
The text Marwolaeth Mair starts on line 17.
| « p 69r | p 70r » |