Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 94r
Buchedd Dewi
94r
namyn bara a|dỽfuyr yn|y hoes. Ac ny leỽas deỽi vỽyt
namyn bara a|dỽfuyr. Eil gỽyrth a|ỽnnaeth deỽi. A|e
vam yn mynet yr eglỽys y waranndaỽ pregeth y|gan
gildas sant. Gildas a|dechreuaỽd pregethu ac ny|s
gallei. Ac yna y|dyỽat gildas. eỽch oll o|r eglỽys alla+
ann heb ef. Ac elchỽyl proui pregethu a|oruc. Ac ny|s
gallei. Ac yna y|gouynnaỽd gildas a|oed neb yn|yr e+
glỽys onnyt euo e|hun. Yd|ỽyf|i yma hep y lleian y+
rỽg y|dor ar paret. dos ti heb y|sant y|dieithyr yr eglỽ+
ys. Ac arch yr plỽyf dyuot y|myỽn. a phob vn a|doeth
y|le y eisted val y|buassei. Ac yna pregethu a|oruc y sant.
yn eglur ac yn vchel. Yna y|gouynnaỽd y|plỽyf idaỽ
paham na elleisti pregethu yni gynnhev. a ninhev
yn llaỽen yn damunaỽ dy|ỽarandaỽ di. Gelỽch hep y
sant y lleian y|myỽn a yrreis i gynnev o|r eglỽys.
hep y|nonn. llyma vivi. hep y|gildas yna. y|mab ysy
yg|kroth y lleian honn ysyd voe y|vedyant a|e rat
a|e vrdas no mivi. kannys idaỽ ef e|hun y|rodes duỽ
breint a phennaduryaeth holl seint kymry yn
dragyỽydaỽl kynn dydbraỽt a|guedy. Ac am hynny
nyt oes hep ef fford ymi y|drigyaỽ yma hỽy o ach+
os mab y lleian raco y|rodes duỽ idaỽ pennadurya+
eth ar baỽp o|r ynys honn. A reit yỽ ymi heb ef
vynet ynys arall a|gadaỽ yr mab hỽnn yr|ynys
honn. Gỽyrth arall a|ỽnaeth deỽi yn|yr aỽr y|ganet.
| « p 93v | p 94v » |