Rhydychen, Llsgr. Coleg yr Iesu 57 – tudalen 145
Llyfr Blegywryd
145
ỻaỻ a vyd ampriodaỽl. Yr un hagen a vyd pri+
odaỽl ar datannud cỽbyl. kanyt priaỽt datannud
y neb namyn y|r braỽt hynaf o|r brodyr oỻ
Breint oet y braỽt hynaf a|wna y brodyr ieu+
af yn|ampriodoryon. ac a|e gỽna ynteu yn vn
priodaỽl ar datannud o gỽbyl. O|r daỽ y rei ieu+
af kyn·noc efo y gaffel datannud. pa|bryt byn+
nac y del ynteu ef a|e gỽrthlad ỽy oỻ. Os y·gyt
y gouynnant ygyt y kaffant ual y dywetpỽyt
vry. Y braỽt hynaf heuyt yssyd uab kysseuin+
aỽl. a|r ieuaf yssyd eil y haỽl. ac ỽrth hynny y
dywedir ny eiỻ datannud gỽrthlad y
kyntaf. Yr hoỻ urodoryon ieuaf ampriodoly+
on ynt ar gaffel datannud kỽbyl kyt caffo
pob un y rann. ac ỽrth hynny y dywedir. ny
ỽrthlad ampriodaỽl ampriodaỽl araỻ.
D Eu dyd yssyd. nyt amgen. naỽ·uettyd
racuyr. a naỽ·uettyd mei. y dylyir dech+
reu govyn etiuedyaeth o tir trỽy ach yndunt.
kanys os o uaes y|r dydyeu hynny y dechreuir
| « p 144 | p 146 » |