Rhydychen, Llsgr. Coleg yr Iesu 57 – tudalen 5
Llyfr Blegywryd
5
a|amaethei seith mlyned. neu blisgyn wy gỽyd.
Ẏn|y mod hỽnnỽ y telir sarhaet brenhin a|vo eis+
tedua arbennic idaỽ. megys dinefỽr dan vrenhin
deheubarth. neu|aberffraỽ dan vrenhin gỽyned.
Ony byd eistedua arbennic idaỽ. ny cheiff onyt
gỽarthec. Breint arglỽyd dinefỽr yỽ. kaffel
dros y sarhaet gỽarthec gỽynnyon clustgochy+
on. kymeint ac a|anghont ol yn ol y·rỽng ar+
goel a llys dinefỽr. a tharỽ vn|ỻiỽ ac ỽynteu y+
gyt a|phob ugeint ohonunt. Ny thelir eur
namyn y vrenhin dinefỽr. neu y vrenhin aber+
ffraỽ. O tri mod y sarheir y vrenhines. Pan
torrer y naỽd. neu pan draỽer trỽy lit. neu pan
dynner peth gan dreis o|e ỻaỽ. Traean gỽerth
sarhaet y brenhin a|delir y|r vrenhines dros y sar+
haet heb eur a heb aryant. Brenhin a|dyly vn
gỽr ar|bymthec ar|hugeint o wyr ar veirch yn|y
gedymdeithyas. nyt amgen y pedwar sỽydaỽc
ar|hugeint. a|e deudec gỽestei. a|e deulu. a|e uchel+
wyr. a|e vackỽyeit. a|e gerdoryon. a|e reidussyon. ~
| « p 4 | p 6 » |