LlGC Llsgr. Llanstephan 4 – tudalen 45v
Purdan Padrig
45v
wastat. Pan boenont ỽy dydi; galỽ di+
theu yr arglỽyd iessu grist. ac mal y
dywettych di yr enỽ hỽnnỽ ti a vydy
ryd o|r poeneu. ac ny aỻỽn ni gohir yma
beỻach y·gyt a|thi. namyn y|r hoỻ gy+
uoethaỽc duỽ y|th orchymynnỽn. A|gỽe+
dy rodi eu bendith idaỽ yd|aethant ym+
eith y ỽrthaỽ. Y marchaỽc ynteu a
ymgyweiryaỽd myỽn milỽryaeth o
newyd mal yd oed wraỽl yn ymlad
a|dynyon gynt. aros yn baraỽt a|o ̷+
ruc ac yn|gadarn o arueu crist y
amrysson yna yn erbyn kythreu+
leit. Kanys y neb a vynno amrys+
son yn erbyn kythreuleit yn gyn+
taf y dyly gỽisgaỽ ỻuric kyfyaỽn+
der ymdanaỽ. a|dodi helym iechyt tra+
gywyd am y benn y gadarnhau y vryt
myỽn gobeith goruot. ac ymdifferet
a tharyan ffyd. a|bit gledyf yspryt
ganthaỽ nyt amgen geir duỽ; ac
yn ovunedaỽl galwet yr arglỽyd
iessu grist hyt pan amdiffynno y vren+
hinyaeth yn gadarn val na orffer ef
o nerth y rei a ymdraỽont ac ef. ac
na|s|tỽyỻo gỽarder ynteu. yr honn ny ̷
| « p 45r | p 46r » |