LlGC Llsgr. 3035 (Mostyn 116) – tudalen 169r

aỻu kyfflenwi eu har·uedyd yr ymhoelassant drachefẏn. Ac yna yd

ymaruoỻes Maredud ap bledẏn a meibon cadỽgaỽn ap bledyn y+

gyt ac a|diffeithassant y ran vỽyaf o gyuoeth ỻywarch ap traha+

yarn o achaỽs nerthu o·honaỽ veibon gruffud ap kynan ac ymar+

voỻ ac ỽynt. Y vlỽydyn rac ỽyneb y|ỻadaỽd gruffud ap Maredud

ap bledẏn Jthel ap ridit ap bledyn y gefynderỽ y gỽyd maredud y

tat ac yn ol ychydic o amser wedy hynny y|ỻadaỽd catwaỻaỽn

vab gruffud ap   kynan y dri ewythyr. Nyt amgen gronỽ a ri+

dit a meilyr meibon ywein ap etwin. kanys agharat verch

ywein ap etwin oed wreic ruffud ap kynan. a hono a oed vam

catwaỻaỽn ac ywein a chatwaladẏr a|ỻawer o verchet. Yn|y vlỽy+

dyn hono y|magỽyt teruysc y·rỽg morgan a maredud  meibon

cadỽgaỽn vab bledẏn ac yn|y termysc* hỽnỽ y ỻadaỽd morgan

o|e laỽ e|hunan veredud y vraỽt. Y vlỽydyn rac ỽyneb yr ym+

hoelaỽd henri vrenhin o normandi wedy hedychu y·rygtaỽ a|r

rei y|buassei deruysc ac ỽynt kyn|no hyny. Y vlỽydyn rac ỽyneb

y gỽrthladỽẏt gruffud vab rys o|r kyfran o|dir a rodassei y bren+

hin idaỽ wedy y|guhudaỽ yn|wirion heb y|haedu ohanaỽ o|r|freinc

a oedynt yn kyt·bressỽylaỽ ac ef. yn diwed y vlỽydyn hono y bu

varỽ Daniel vab sulyen escob mynyỽ. y gỽr a oed gymodredỽr

y·rỽg gỽyned a|phowys yn y teruysc a oed y·rygtunt ac nyt oed

neb onadunt a|aỻei gael bei nac aglot arnaỽ kanys tagnefe+

dus oed a|charedic gan baỽb. ac archdiagon powys oed. Y vlỽy+

dyn rac ỽyneb y bu varỽ gruffud ap bledyn. ac yna y dellit. ỻywelyn.

ap ywein y gan veredud ap bledyn y|ewythyr vraỽt y|hendat.

a hỽnỽ a|e|rodes yn ỻaỽ baen ap jeuan y gỽr a|e hanuones yg|karch+

ar hyt yg|kasteỻ bruch. Yn diwed y vlỽydyn hono y bu varỽ.

Morgan ap kadỽgaỽn yn cipris yn ymhoelut o gaerussalem wedẏ