LlGC Llsgr. 3035 (Mostyn 116) – tudalen 180v
Brut y Tywysogion
180v
1
whe|meirch a|phetwar|ugein ỽrth eu hanuon drannoeth y|r bren+
2
hin a gỽedy dyuot hyt y|ty gỽyn clybot a|oruc ry uynet y
3
y vynyỽ y bererinaỽ ac offrymaỽ a|wnaeth y brenhin y|mynyỽ
4
deu gappan cor o bali ar vedyr cantoryeit y|wassanaethu
5
duỽ ac offrymaỽ hefẏt a|wnaeth dec sỽỻt. ac erfyneit a|oruc
6
dauid vab ger·aỻt y gỽr a|oed esgob y|mynyỽ yna y|r brenhin
7
bỽyta gyt ac ef y dyd hỽnỽ. a gỽrthot a oruc y brenhin o
8
achaỽs goglyt gormod treul y|r escob. dyuot eissoes a
9
oruc ef a|r esgob a|chrychanỽr* gyt ac ỽynt y ginaỽa. a
10
rickert jarỻ gỽr a|oed o jwerdon y ymgyfeiỻaỽ a|r brenhin.
11
kanys o anuod y brenhin y dathoed o jwerdon a|ỻawer
12
o|rei ereiỻ a ginaỽssant oc eu sefyỻ. ac yn ebrỽyd gỽedy
13
kinẏaỽ yd ysgynaỽd y brenhin y veirych a glalỽ glaỽ maỽr
14
oed yn|y dyd hỽnỽ a duỽ gỽyl vihagel oed. ac yna yd ymchoe+
15
laỽd y|penuro. a|phan gigleu rys hẏnẏ anuon y|meirych y|r
16
brenhin. yn ol kymryt y|meirych. a gỽedy dỽyn y|meirych
17
rac bron y brenhin kymryt a|wnaeth vn ar bymthec ar|hu+
18
geint o|r rei a|etholes a|dywedut nat yr bot yn reit idaỽ
19
ỽrthunt y|kymerassei ỽynt namẏn yr talu diolỽch y
20
rys a vei vỽy no|chẏnt a gỽedy regi bod veỻy y|r brenhin
21
dyuot a|oruc rys at y|brenhin a|chael daỽn a|wnaet gyr
22
bron y|brenhin a rydhau a|oruc y brenhin idaỽ yna hywel
23
y vab a vuassei gantaỽ y gỽystyl yn hir kyno hẏnẏ a rodi
24
oet a|oruc y brenhin idaỽ am y gỽystlon ereiỻ a|dylyei rys
25
y|dalu y|r brenhin. ac am y|dreth a dywetpỽẏt vry yny delei
26
y brenhin o jwerdon. paratoi ỻyges a wnaethpỽyt ac nyt
27
oed adas y gỽynt vdunt kanys amser nyỽlaỽc oed a
28
breid y keit yna yt aeduet yn vn ỻe yg|kymry a gỽedẏ
« p 180r | p 181r » |