LlGC Llsgr. 3035 (Mostyn 116) – tudalen 39r
Brut y Brenhinoedd
39r
wedut hẏnnẏ ỽrth lyr ỻidyaỽ a|oruc Ac ymadaỽ a|mae*+
laỽn a|mynet hyt ar jarỻ kernyỽ y daỽ y|ỻaỻ A|e erbyn+
eit o|r tywyssaỽc hỽnnỽ yn anrydedus Ac ny bu ben
y vlỽydyn yny daruu teruysc y·rỽg eu gỽassanaeth+
wyr Ac ỽrth hynnẏ y|sorres ragau y verch ỽrthaỽ
Ac erchi idaỽ eỻỽg y varchogyon y|ỽrthaỽ eithyr pump
a|e gỽassanaethei A|thristau a|wnaeth ynteu o·dieithyr
mod. A chychwyn odyna elchwyl hyt ar y verch yr hy+
naff idaỽ o dybygu trugarhau ohonei ỽrthaỽ a|e|gyn+
al a|e varchogyon y·gyt ac ef. Sef a|wnaeth hitheu
drỽy y|ỻit tygu y gyuoeheu* nef a dayar na|chaffei o+
hir onyt yỻygei y hoỻ varchogyon y ỽrthaỽ eithyr vn
ygyt ac ef a|e gỽassanaethei. A|dywedut heuyt nat
oed reit y ỽr kyuoet ac euo vn ỻuosogrỽyd y·gyt
ac ef na theulu namyn vn gỽr a|e gỽr a|e gỽassanaethei
A gỽedy na|chaffei dim o|r a geissei gan y verch eỻỽg
y|uarchogyon y|ỽrthaỽ eithyr vn y·gyt ac ef. A|gỽedy
bot y·veỻy rẏnaỽd dỽyn ar goff a oruc y gyuoeth a|e
deilygdaỽt a|e anryded a|e vedyant A|thristau yn vaỽr
a|medylyaỽ gouuỽy y verch a oed yn|freinc idaỽ. Ac
ouynhau hẏnẏ heuẏt a|wnaeth rac mor digaryat
y geỻygassei hi y ỽrthaỽ Ac eissoes ny aỻỽys diodef
y dianrydedu mal yr daroed. A|chychwyn tu a|freinc
a|phan yttoed yn mynet y|r ỻog Ac na welei neb
ygyt ac ef namyn ar y drydyd gan ỽylaỽ y|dywaỽt
yr ymadraỽd hỽn. Ae chỽichỽi tyghetueneu pa|le
y|kerdỽch chỽi dros aỽch gnotaedic hynt pa achaỽs
y|kyffroassaỽch chỽi vi·vi yrroet y ar vyg|gỽastat
detwydyt kanys mỽy boen yỽ koffau kyuoeth.
gỽedy coỻer nochyt diodef achanottit* heb ordyf+
| « p 38v | p 39v » |