LlGC Llsgr. Peniarth 11 – tudalen 213v

wledyd. Ac ueỻy vy nei y deudec|ki ynt yr idewon. y rei ny

mynnassant gredu y duỽ na|e garu. ac a|e dryỻyassant yn

gyn vileinet ac y gỽnaeth y kỽn yr aniueil. ac yn vileinach.

Y marchaỽc urdaỽl a|r uorwyn a|weleist di yn roi dryỻyeu

y|r aniueil y|myỽn ỻestri o eur ganthunt. a arỽydockaa dw+

ywolyaeth y tat yr hỽnn ny diodefaỽd ỻeihau dim o gorff

y vab. Arglỽyd ewythyr heb·y paredur teilỽng oed gael o+

honunt drỽc wedy crockyn yn arglỽyd ni. ac a|e gỽnathoed

ỽynteu kyn|no hynny. Arglỽyd y deu offeiryat a|doethant hyt

y groes. y neiỻ o·nadunt a|wediaỽd y groes ac a|e cussanaỽd

a|r ỻaỻ a|e curaỽd ac yscỽrs dan wylaỽ a chystud maỽr. Je vy nei

y tec heb ef. kystal y credei yr hỽnn a|oed yn|y churaỽ hi yn|duỽ

a|r ỻaỻ. Y|neiỻ oed yn gỽediaỽ y groes o achaỽs poeni corff iessu

grist ar y groc yr prynu pobyl y byt o geithiwet uffern. y|rei a

vydynt yno etto pa na|bei eu prynu o·honaỽ ef. am hynny yd

oed ef yn gỽediaỽ y groes yn ỻawen y ỻaỻ a|oed yn|y churo hi

dan wylaỽ. o achaỽs meint vu dolur iessu grist ar brenn y

groc yn|diodef drossom ni. a maỽr iaỽn vu y dolur ef. kanys

nyt oes yn vyỽ a aỻei ysgriuennu na dywedut meint vu y

dolur. ac am hynny yd oed yn maedu y groes ac yn|y chussanu.

ac ny bu ganthaỽ ef amgen vedỽl. ac ueỻy y gỽnant ỽy

yn vynych. ac yn|y fforest honno y maent ỽy yn|trigyaỽ.

a|r hỽnn a wedia y groes a|elwir ionas. a|r ỻaỻ a|e maed a|elỽir

alexis. A|chanys daruv ytti trossi paỽp fford y kerdeist ar|gret

a ffyd. reit vyd ytt vynet etto y orffenn peth yssyd yn eissei*

kanys kỽbỽl o wlat brenhin peleur yssyd wedy ymadaỽ a|r