LlGC Llsgr. Peniarth 11 – tudalen 27v
Ystoriau Saint Greal
27v
y gỽnn i panyỽ vym|pechodeu a|m|ỻesteiryaỽd. A|phan|dy+
lyassỽn i v|ymendaỽ vy hun. y doeth y kythreul ac y duc
vyng|golygon y gennyf o achaỽs vym|pechodeu. ac ueỻy y
bu ef yny vu dyd drannoeth. ac yny gigleu yr adar yn ca+
nu a|r|heul yn|disgleiryaỽ. Ac yna ef a|e gweles yn|di·ystor
o bop ryỽ arueu. ac ef a|gychwynnaỽd ymeith ar hyt y ffo+
rest. heb na march na chyfrỽy. na chledyf na tharyan na
helym ar y|draet. yny doeth yngkylch aỽr brim y dy meu+
dỽy yr hỽn a|oed yn|dechreu canu offeren. yna ef a|doeth yn
drist y|r capel. ac a ostyngaỽd ar benn y linyeu. ac a|wediaỽd
duỽ. ac a|werendewis yr offeren. ac ymbil a|duỽ am vadeue+
int o|e|pechodeu. A|phan|daruv y|r meudwy dywedut yr|offe+
ren ef a|doeth laỽnslot attaỽ. ac a|erchis yr|duỽ idaỽ y gyng+
hori. A|r meudwy a|o·vynnaỽd idaỽ pa|vn oed. ac o|pa|le y datho+
ed. ac yna laỽnslot a|dywaỽt mae o lys arthur yd|hanoed.
Pa ryỽ gynghor heb y meudỽy a vynny di gennyf|i. ae dy
gyffessu. Je arglỽyd heb y laỽnslot. Ac yna y|meudỽy a|e
kymerth ef. ac a|e|duc hyt yn ymyl yr aỻaỽr. ac yno yd eis+
dedassant. ac y govynnaỽd y meudỽ* idaỽ y henỽ. Ac yn+
teu a|dywaỽt mae laỽnslot oed a|mab y vrenhin bann o
vannot. Pan|gigleu y meudỽy panyỽ efo a|oed yno. rac
meint a|dywedit amdanaỽ ef a|vu ryued ganthaỽ meint
y dristit. ac a|dywaỽt ỽrthaỽ. arglwyd heb ˄ef nyt tristau a|dy+
lyy di. namyn diolỽch y duỽ dy wneuthur yn|gyn|decket
ac yn gyn|gadarnet ac yr wyt. ac na wdam ni yn y byt dy|gyf+
felyb di. y·gyt a|hynny. ef a|roes cof a|synhwyr yt oblegyt
| « p 27r | p 28r » |