LlGC Llsgr. Peniarth 18 – tudalen 16v
Brut y Tywysogion
16v
Jeueinc ynuytyon y wlat o|pop|tu attaỽ o|tyby+
gu goruot ohonaỽ ar pop peth o achaỽs y|damỽe+
in hỽnnỽ. kanys castell a oed ygỽhyr a|losces ef o
gỽbyl a llad llawer o|wyr yndaỽ. Ac yna yd edewis
gỽilim o lundein y|gastell rac y ofyn a|holl anniuei+
leit a|e holl annỽyl oludoed. a gỽedy daruot hynny
Megys y|dyweit selyf dyrchafael a|ỽna yspryt yn er+
byn kỽymp dyn. Yna yd aruaethaỽd ef yn hỽyde+
dic o valchder ac o draha yr anosparthus pobyl ar
ynuyt giỽtaỽt kyweiraỽ hyntoed ynuydyon o
dyuet y geredigyaỽn a|chymryt gỽrthỽyneb hynt
yr gyfyaỽnder wedy y alỽ o|gediuor ap Gronỽ. a|ho+
wel ap Jtnerth. a|thrahayrn ab Jthel y|rei a|oedynt
yn dynessau o|gyfnessafrỽyd gerennyd ac |
o gyfadnabot a|damunaỽ arglỽyd·iaetheu i+
daỽ. a rei hynny a oedynt ygyt ac ef ymlaen holl
wyr keredigyaỽn. Ac nyt oed dim a|allei vot yn dir+
eidach no|r kyghor hỽnnỽ yr ỽlat ac y gyffredin ky+
mry. Nyt amgen noc adaỽ y dyuet amrauaelon
genedloed. fflemisseit. a freinc. a|saesson. a|e|giỽta+
ỽt genedyl e|hun y|rei kyt beynt vn genedyl a|gỽ+
yr keredigyaỽn. eissoes gelynnyon galonneu oed
gantunt. o achaỽs y annesmỽythdra a|e hanundeb
kynn no hynny. ac yn vỽy no hynny rac ofyn y
tremyc a|ỽnaethoedynt y henri urenhin y gỽr a
dofassei holl penaetheu ynys prydein o|e allu a|e ue+
| « p 16r | p 17r » |