LlGC Llsgr. Peniarth 190 – tudalen 107
Ystoria Lucidar
107
rodo ef un o|e garedigyon. ỻyna dref·tat
yr|arglỽyd. Rei o|r rei gỽirion ynteu a|anuo+
nir o|e dỽyn y|r|ỻe hỽnnỽ. ac ereiỻ a vyd y
myỽn pressỽyluaeu ereiỻ tec. megys y
dywedir. val y bo ỻes ac enryded udunt ỽy
a|iechyt y ninneu. discipulus Pỽy yssyd gyfyaỽn. Magister
Y rei a|gỽplaont gorchymynneu duỽ yn
digỽyn. Pan el eneideu y rei hynny o|e
corfforoed. ỽynt a|dygir y baradỽys daear+
aỽl. neu y ryỽ lewenyd ysprydaỽl drỽy eng+
ylyon. kanny chredir kyuanhedu yspry+
doed yn|ỻeoed corfforaỽl. ac y mae ryỽ dy+
nyon gỽirion a dywedir eu bot yn am+
perffeith. a|phaỽb o·nadunt a gaffant duỽ
megys dynyon priaỽt. ỽynt a|gaffant gỽe+
dy bont veirỽ y ỻeoed teckaf. a ỻawer o+
nadunt kynn dydbraỽt. drỽy wedieu seint.
ac alussenneu y rei byỽ a gymerir y ogo+
nyant a vo mỽy. a phaỽb hagen gỽedy
dydbraỽt a|gedymdeithockeir a|r engylyon.
ac y|mae rei o|r etholedigyon heb perffei+
thyaỽ ỻawer arnunt. a|r rei hynny a
| « p 106 | p 108 » |