LlGC Llsgr. Peniarth 190 – tudalen 134
Ystoria Lucidar
134
yỽ yn vỽyaf o|r y dangossir ynn. discipulus Paham
yd iacheir ỽynt neu pa|delỽ y bernir.
Yn ỻys y ryd ef y gỽyr. nyt amgen y rei tei+
lỽng hynny. discipulus Pỽy a|ant y nghvyrgoỻ* heb
varn. Magister Y rei a|bechaỽd heb varn. megys
paganyeit ac Jdewon. a|vuant gỽedy dio+
def crist. kanys angkret vu geitwadaeth
eu dedyf ỽy gỽedy diodeifyeint crist. discipulus A|wyl
y rei hynny grist. Magister Gỽelant yr|dỽc udunt
megys y dywedir. Wynt a welant yr hỽnn
a vrathyssant. kanys yr hoỻ rei ennwir
a|gytsynyassant am angheu yr arglỽyd
discipulus|Paham y dywedir amdanunt ỽynteu
na chyfyt y rei enwir yn|y vraỽt. Magister|Ny
damchweina udunt ỽy eu barnu yno
megys y gỽnaethant yman. am·danunt
ỽy y|dywedir. Ti a|e gossody ỽynt megys
kynneu dan rac dy vronn|di. discipulus Pỽy a
vernir ac a|ant yng|kyvyrgoỻ. Magister|Jdeỽ+
on a|bechassant yn erbyn y dedyf kynn
dyuot crist. a dryc·cristonogyon a weỻy+
assant grist o|e dryc·weithredoed. ỽrth y ̷
| « p 133 | p 135 » |