LlGC Llsgr. Peniarth 190 – tudalen 247
Penityas
247
eint oc eu pechodeu drỽy rinwedeu yr eglỽys
a|megys y gossodet yn yr eglỽys yny gretto
ef y gyffredinrỽyd y seint. Sef yỽ hynny y
neb a vo yng gwir garyat duỽ a vyd kyfran+
naỽc ar bop da o|r a|wneler yn|yr eglỽys. A|r
neb a vo kyfrannaỽc yma gyt a|r rei gỽiri+
on ar y rat ef ỽynt a vydant gyfrannaỽc
yn|y vuched dragywyd gyt ac ỽynt yn|y go+
gonyant goruchaf. O|r dec gorchymyn
E f a dylyir gouyn idaỽ a|wypo ef dec
gorchymyn y dedyf. Sef ynt y rei
hynny. Nac adola duỽ arall. Na chymer
enỽ dy duỽ yn orwac. anrydeda y gỽylev.
anrydeda dy dat a|th vam. Na|wna ledrat.
Na wna odineb. Na lad gelein. Na chweny+
cha wreic dy gymodaỽc. Na chywennych da
dy gymodaỽc. Na dywet gam·dystolyaeth.
a|govynner idaỽ a|wnaeth yn erbyn yr vn
o|r rei hynny. Govynneu am valchder
O |valchder a|e geingeu. O|r bu valch
voned y genedyl. neu o|e bryt. neu o|e
| « p 246 | p 248 » |