LlGC Llsgr. Peniarth 32 (Y Llyfr Teg) – tudalen 17
Llyfr Iorwerth
17
neuad a|r ystaueỻ. Ef a|dyly rann o aryant y cỽynos.
Ef a|dyly hen diỻat gỽely y brenhin. a bỽyta a|dyly
yn|yr ystaueỻ. ac ef a|dyly gỽaỻaỽ ar y brenhin. yn|y
teir|gỽyl arbenhic. Y naỽd yỽ o|r pan el dyn y geis+
saỽ gỽeỻt dan* y brenhin y wneuthur y wely. a thannu
diỻat arnaỽ yny tynho drannoeth. Ef a|dyly cadỽ
trysor y brenhin. y ffioleu. a|e|gyrn a|e vodrỽyeu. a chry+
du idaỽ a goỻo. Y sarhaet yỽ chỽe|bu a chỽeugeint
aryant. Y werth yỽ chỽe|bu a chweugeint aryant
gan y ardrychafel.
O Ythuet* yỽ y bard teulu. Ef a|dyly y dir yn
ryd a|e varch pressỽyl. a|e wisgoed mal y rei
ereiỻ. Ef a|dyly eisted yn nessaf y|r penteulu ỽrth
rodi y delyn yn|y laỽ. Ef a|dyly diỻat y distein yn|y
teir|gỽyl arbenhic. Pan vynhont canu kerd y
bard kadeiryaỽc a|e dechreu. a|r canu kyntaf o
duỽ. a|r eil o|r|brenhin bieiffo y ỻys. neu ony byd idaỽ
a|ganher; canet o vrenhin araỻ. Gỽedy y bard
kadeiryaỽc y bard teulu a dyly canu tri chanu
o gerd amgen. O|deruyd y|r vrenhines mynnu kerd
aet y bard teulu y ganu kerd idi yn|diuessur.
a hynny yn dawel mal nat aflonydho yn|y neuad.
Ef a|dyly buch neu ych o|r anreith a|wnel teulu
y brenhin. yg|gorwlat. a|hynny gỽedy yd el y brenhin. a|e
rann. Ynteu bieu pan ranhont ỽy yr anreith
canu unbeinyaeth brydein. Ef a|dyly taỽlbord o
| « p 16 | p 18 » |