LlGC Llsgr. Peniarth 32 (Y Llyfr Teg) – tudalen 74
Llyfr Iorwerth
74
kyghori. ac o|r daỽ neb attunt a|e kyghoro; talet
ef gamlỽrỽ y|r brenhin. a bot yn anolo y gyghor.
ac y·sef y dylyant vynet y gymryt eu kyghor
yn gyn beỻet ac yd el yr ygneit y varnu eu
braỽt. a|gỽedy darffo y kyghor; deuent y deu
hynny ar yr ygneit. a datkanent yr ygneit
y kyghor. O deruyd. na bo reit ỽrth eir kyuarch;
iaỽn yỽ gadel udunt ỽynteu eu hardelỽ. a
gouyn o deu udunt pỽy eu gỽybydyeit ac
eu keitweit a phy le y maent. O|r dywedant
eu bot yn|y maes; mỽynhaer ỽynt. O|r dywe+
dant eu bot yn vn gymỽt ac ỽynt; rodher oet
dri·dieu udunt. O|r dywedant eu bot yn|yr eil
gymỽt; rodher oet udunt naỽ nieu. O|r dyỽ+
edant eu bot yg|gỽlat araỻ neu lanỽ a threi
y·rygthunt ac eu porth; oet pythewnos o|r
dyd hỽnnỽ. oS kynn hanner dyd vyd. OS gỽe+
dy hanner dyd vyd. pythewnos o|r dyd dran+
noeth. a bot y dyd hỽnnỽ yn goỻ neu gaffel.
a bot y gỽystlon yg|karchar y bren·hin hyt
y dyd hỽnnỽ. ac erchi y baỽp dyuot a|e dednyd*+
yeu ganthaỽ y dyd hỽnnỽ hyt ar y tir. kynny
bo duun gan y dỽy bleit hynny; neut ytiỽ
yn|dyd kyfreith. barnedic. Yn|y trydyd dyd gỽedy del+
her wyneb yn wyneb; iaỽn yỽ y baỽp eisted
yn|y le ual yd eistedassant y dyd gynt. ac o|r
| « p 73 | p 75 » |