LlGC Llsgr. Peniarth 33 – tudalen 178
Llyfr Blegywryd
178
gỽerth ẏr amỽs oll a|telir. ly ̷+
gat amỽs a|e glust. pedeir ar|hu+
geint a|tal pob ỽn ohonnunt
O|r dellir oll a|telir. Gỽerth ra+
ỽn rỽnsi. deudec keinnaỽc. ac
ỽellẏ ẏ|lẏgaẏt a|e glusteu. Y neb
a|watto llad march ẏn|lletrat; ro+
det lỽ petỽar gỽẏr ar|hugeint.
P ỽẏ|bẏnnac a|ỽẏnho ỻiỽaỽ ỻe+
trat ẏn gẏureithal; dẏwet+
tet welet ẏ|dẏn o|r pan ẏỽ
goleu ẏ|dẏd hẏt prẏt kẏflẏchỽr
a|r lletrat gantaỽ. A|thẏget ỽch
benn reith. Ac na|s dẏỽat nac
o gas nac o|digassed. nac ẏr gỽer+
th. nac ẏr gobẏr. namẏni yr
dangos gỽironed. ~ Ẏnn|ẏ mod
hỽnn ẏ|bẏd ỻiỽ kẏureithaỽl.
onnẏ bẏd gỽrthỽg. neu lẏssẏ+
at. gỽrthỽg a|uẏd trỽẏ tỽg
deuỽr. A|lyssyat a|ỽẏd o|r fford
y|ỻyssir tẏston Vn werth
vẏd cassec a buch Dros los+
gỽrn pob vn. a|e lẏgat. a|e ̷ ̷
| « p 177 | p 179 » |