LlGC Llsgr. Peniarth 36A – tudalen 54r
Llyfr Blegywryd
54r
dyly kymell y rei aỽssen o wys trỽy uech ̷+
niaeth neu auael paỽb ohonunt yr eil
llys. a phỽy bynhac a tremycco y kyfryỽ
wys yn yr oet kymeredic hỽnnỽ heb a+
chaỽs aduỽyn; kamlyryus vyd. y rei
kydrychaỽl hagen barnent y dadyl neu
tygent nas gỽdant rac colli camlyryeu.
ac yn yr eil oet yn| y tryded lys barnent
heb neb ryỽ escus. neu y brenhin a gy ̷+
mero elchỽyl ac a gynhalyo gauael pa+
ỽb ohonunt hyt pan varnhont y dadyl
honno ae theruynu yn gỽbyl. Nyt oes
amgen poen na dial onyt kymell trỽy
gyfreith am wassanaeth diffyc neu rent
y brenhin ony wedir yn| y erbyn eithyr
gỽassanaeth a diffyccyo ac ny aller. Ny
dylyr* rydhau gauael a gymer dros vn
or tri dyffyc hyn hyt pan wnelher cỽbyl
drosti. Kyn bo lliaỽs vn vreint o vraỽt+
wyr o vreint tir yn yr vn
vraỽt. vn eissoes a varn nyt amgen
y neb ae datgano yn| y llys rỽg y kyn ̷+
| « p 53v | p 54v » |