LlGC Llsgr. Peniarth 38 – tudalen 16v
Llyfr Blegywryd
16v
ar y tryded. kanys yn lle tyston y kynhelir
y gỽaet. neu y cleis. Y neb a|ỽatto ymlad
lle ny lader neb. herỽyd meint y sarhaet y
dyry y|reith. O|r gỽneir anaf ar dyn. y* trỽy
ymlad o|r gỽedir llỽ degỽyr a rodir. O|r byd gỽ+
aet neu gleis. nyt amgen gỽaet o pen hyt
gỽll; o lỽ tri dyn y gỽedir. O pen hyt ỽregys;
o lỽ chỽech. O pen hyt laỽr o lỽ naỽ nyn y
gỽedir. ac velly y gỽedir cleis a triccyo tri
naỽ niỽarnaỽt. O r tereu dyn kaeth dyn
ryd. trycher y llaỽ deheu idaỽ. neu talet ar ̷ ̷+
glỽyd y kaeth sarhaet y dyn Ergyt crym+
an yỽ naỽd kaeth. Ny byd godor yn reith
alltut lle ny pherthyno reith gỽlat arnaỽ.
kyny thygho dynyon gyt ac ef. namyn ro* ̷
y lỽ e|hunan yghyfeir pop dyn a|dylyei
tyghu gyt ac ef bei kenedylaỽc. S·arha ̷ ̷+
et gỽraic* kaeth; deudec keinhaỽc. Os
gỽenigaỽl kaeth vyd. pedeir ar|hugeint
vyd gỽerth y sarhaet. Sef yỽ honno gỽreic
| « p 16r | p 17r » |