LlGC Llsgr. Peniarth 38 – tudalen 21v
Llyfr Blegywryd
21v
syd. ac a|trigant yn dilis y|r etifedyon. vn yỽ
etifedyaeth trỽy dylyet o pleit rieni. Eil yỽ
etifedyaeth a|gaffer trỽy amot kyfreithaỽl
y gan y perchennaỽc yr gỽerth. Trydyd yỽ
etifedyaeth a|gaffer trỽy amot kyfreithaỽl
o vod y perchennaỽc a heb ỽerth. O r gỽ ̷ ̷+
neir eglỽys o ganhat y brenhin ar tir tay ̷+
aỽc·tref. a|e bot yn gorflan hi ac offeirat
yn efferennu yndi; ryd vyd y tref honno o
hynny allan. Y neb a|holo tir eglỽyssic.
nyt reit idaỽ naỽuetyd ymdanaỽ. namyn
agoret vyd gỽir idaỽ pan y gofynho O r ky ̷+
mer tayaỽc brenhin mab breyr a* vaeth
gan ganhat y brenhin; kyfrannaỽc vyd y
mab ar tref tat y tayaỽc mal vn o|e veiby ̷+
on e|hunan P·an ranho brodyr tref eu tat
y·rydunt. y ieuaf a|geiff y|tydyn ac ỽyth erỽ
a|holl adeil y|tat. a|r uỽell gynnut. a|r gall ̷+
aỽr kany dichaỽn tat eu rodi y neb namyn
| « p 21r | p 22r » |