LlGC Llsgr. Peniarth 38 – tudalen 54r
Llyfr Blegywryd
54r
deu ỽystyl. sef yỽ hynny gỽystyl a roder yn erbyn
braỽt. a|gỽystyl arall a|roder gyt a|r|vraỽt honno. Tr ̷+
ydyd yỽ braỽtỽr bieu dosparth rỽg deu dyn yn ky ̷+
ghaỽs. am y varn a rodassei vdunt heb ymỽystlaỽ
ac ef. O|r dyry braỽtỽr gamvraỽt yn erbyn dyn
ny allo o gyfreit* ymỽystlaỽ ac ef am gamvraỽt. na+
myn o|r dichaỽn dangos yna neu ar oet pymthec
diỽarnaỽt trỽy lyfyr kyfreith yn erbyn braỽtỽr br+
aỽt teilygach yn yscrifenedic. y|teilygaf a|seif idaỽ.
a|r braỽtỽr a gyll kamlỽrỽ. Tri dyn ny allant y ̷ ̷+
mỽystlaỽ yn erbyn braỽt o|gyfreith. vn yỽ|brenhin
kany dichaỽn o|gyfreith sefyll y|myỽn dadyl ger ~
bron braỽtỽr y holi neu y atteb trỽy vrein* anyanaỽl
neu vreint tir mal breyr neu arall. Eil yỽ dyn eg+
lỽyssic rỽymedic yn vrdeu kyssegredic. Trydyd yỽ
dyn eglỽyssic rỽymedic y|grefyd. kany dichaỽn neb
herỽyd kyfreith rodi gỽystyl yn erbyn braỽt onyt
dan perigyl gỽerth y tafaỽt. ac nat oes ỽerth gos+
sodedic yg|kyfreith hyỽel ar aelaỽt a gỽa+
et dyn eglỽyssic. ac ỽrth hynny ny eill neb ohonunt
rodi gỽystyl yn erbyn braỽt na|chyt a|braỽt holl ar+
| « p 53v | p 54v » |