LlGC Llsgr. Peniarth 45 – tudalen 298
Trioedd Ynys Prydain
298
Sef oed riuedi teuluoed pob un o|r gwyr
hynny. Un canhỽr ar ugeint. Tri
aniweir teulu. ynys. prydein. Teulu goronỽ pef+
yr o penllyn a omedassant eu harglỽyd
o erbynneit y gwenỽynwayỽ. y gan
leu llaỽ gyffes yn llech·oronỽy ym blaen
kynuael. A|theulu gỽrgi a|pheredur a
adaỽssant eu harglỽyd yg caer greu. Ac
a oed ymlad trannoeth udunt ac eda glin+
uaỽr. Ac yna y llas ell deu. Ar trydyd
teulu alan fyrgan. A ymchoelassant y
vrth eu harglỽyd ar y ford hyt nos a|e
ellỽng ynteu a|e weisson kamlan. Ac
yno y llas. Teir gosgord adỽy. ynys. prydein.
gosgord mynydaỽc eydyn. A gosgord
melyn. mab. kynuelyn. A gosgord dry+
an. mab. nud. Trywyr a wnaeth
y teir mat gyflauan. Gall. mab. dis+
gyfedaỽt. a|ladaỽd deu ederyn gwen+
doleu. A ieu o eur oed arnadunt. A
dỽy kelein o|r kymry a yssynt ar eu
kinyaỽ. A|dỽy ar eu cỽynos. Ac ys+
gafnell. mab. disgyfedaỽt a|ladaỽd e+
delfflet urenhin lloygyr. A diffyd+
ell. mab. disgyfedaỽt. a|ladaỽd gỽr+
gi garỽlỽyt. Ar gỽrgi hỽnnỽ a
ladei kelein beunyd o|r kymry. A
| « p 297 | p 299 » |