LlGC Llsgr. Peniarth 46 – tudalen 339
Brut y Brenhinoedd
339
nedyl y|bryttannyeit o|hediỽ allann yn
tragyỽydaỽl y genedyl yssyd yn godef
poen. er yn oes maelgỽn gỽyned. ac er
hynny na chauas un tyỽyssaỽc a|gynydei
y|theilygdaỽt idi. a|r|bychydic oed udunt
titheu heuyt yn gadu y|saesson trỽy eu
tỽyll a|e brat y|chael. ponyt clotuaỽr udunt
hỽy gynydu yn gemeint a|hynny. a gỽn+
euthur brenhin ohonunt e|hunein. a|phann
glyỽer hynny yn|y gỽladoed yd ymgynnull+
ant hỽynteu. a|thrỽy y gnotaedic urat
y|distryỽant yn kenedyl hyt ar dim. ca+
nys kynneuodic yỽ gantunt. na|chadỽant
na ffyd na chyỽirdep ỽrth nep. ac ỽrth hyn+
ny arglỽyd hep ef yd|oed iaỽnach yni y ky+
ỽarssagu hỽy no|e kynydu. canys pan y|he+
telis gỽrtheyrn gỽrtheneu ỽynt ygyt ac
ef. y amdiffyn y|ỽlat megys gỽyr ffydlaỽn
rac y|elynyon. eissoes pann aallyssant ỽy
caffel lle ac amser gyntaf y|talyssant i ̷ ̷+
daỽ ynteu drỽc dros y|da ynteu. ac y|llad+
yssant ỽyrda y|teyrnnas trỽy eu tỽyll.
ac odyna trỽy urat y|gỽenỽynassant E* ̷ ̷
| « p 338 | p 340 » |