LlGC Llsgr. Peniarth 6 rhan iv – tudalen 31
Geraint
31
dy hynny yd aeth y|r llys a|e varch ac a|e arueu. A dyuot a
oruc yn|yd oed yr iarll. a dywedut y gyfranc oll idaỽ. A mi ̷+
ui arglỽyd a af yn erbyn y marchaỽc y venegi y lety idaỽ.
Dos yn llawen heb yr iarll. A llewenyd a gaffei ef yma
bei a|s mynnei. Ac yn erbyn Gereint y doeth y gỽas. A mene ̷+
gi idaỽ y|caffei lewenyd gan yr iarll yn|y lys e hun. Ac ny
mynnaỽd ef namyn y lety e|hun. Ac y ystauell esmỽyth
a digaỽn o wellt a dillat yndi y|doeth Gereint. A lle ehang es ̷+
mỽyth a gauas y meirch. A dogyn o diwallrỽyd a peris
y|gỽas udunt. A gỽedy diarchenu o·nadunt y dywaỽt
y* dywaỽt* Gereint ỽrth Enyd. Dos ti heb ef y|r tu traỽ y|r ysta+
uell ac na dyret y|r tu hỽn y|r ty. A galỽ attat wreic y ty
os mynny. Mi a wnaf arglỽyd heb hi val y dywedy. Ac ar
hynny y|doeth gỽr y ty ar ereint. a|e|raessaỽu a|bot yn llawen
ỽrthaỽ. A vnben heb ef a|leweist ti dy gynyaỽ. do heb
ynteu. Ac yna y dywot y gỽas ỽrth ereint. a vyn ̷+
ny ti eb ef ae dia ỽt ae dim kyn vy mynet i y ym ̷+
welet a|r iarll. Mynnaf ys gỽir heb ef. Ac yna yd aeth y
gỽas y|r tref. Ac y doeth a diaỽt udunt. a chymryt diaỽt
a orugant. Ac yn agos y hynny y dywaỽt Gereint. ny allaf|i
na chyscỽyf heb ef. Je heb y|gỽas. tra vych ti yn kyscu
Mi a af y ymwelet a|r iarll. Dos yn llawen heb·y Gereint. A
dyret yma o|r lle|hon. A chyscu a oruc Gereint. a|chyscu a oruc
enyd. A dyuot a oruc y gỽas yn|yd oed yr iarll. A gofyn a
oruc yr iarll idaỽ py le yd oed lety y|marchaỽc. y dywaỽt
ynteu reit yỽ imi vynet y|wassanaethu arnaỽ o chwin+
sa. Dos heb ynteu ac annerch y genhyf|i ef. A dywet idaỽ
Mi a af y ymwelet ac ef o|chwinsa. Mi a wnaf heb y gỽas
| « p 30 | p 32 » |