LlGC Llsgr. Peniarth 9 – tudalen 17v
Ystoria Carolo Magno: Rhamant Otfel
17v
ymglywy di a|pha ryỽ amot a ry|wnaythoch y+
roch. Arglỽyd heb ynteu gỽed da yd ymgly+
waf ỽrth y mot yn holl iach ac yn llawen ac
na|cheueis dim drỽc yr ymlad ohonaf ar
ymladỽr goreu a deỽraf a uu eiroet o wyr
agret. A diolỽch y duỽ. neur deryỽ ym wne+
uthur kymeint a hyn. y kymer otuel vedyd
a|christynogayth. ac aruoll ditheu ef yn
hyfryt a dyro idaỽ enryded a gallu ỽrt* y
ewyllis y hun. Ac y gyt a|hyny belisent dy
verch yn briaỽt. A duỽ heb y brenhin val
y|gỽnaythost yr aỽr hon vy mynnu i. a lly+
na yr hyn yd oydỽn inheu yn mynet y er+
chi it y wneuthur. a diaru* y marchogyon
yn gyflym a wnaythant yna. A|rolond a
ysgynnỽys ar amỽs buan drythyll. ac ot+
uel vul uchel rygygaỽc. a pharth ar din+
as y deuthant ỽrth vedydyaỽ otuel. Ac
eglỽys veir ymparis a gyrchyssant. A
thỽrpin archescob remys. a wisgỽys yr
ystol ac a gymerth sallỽyr ac a|dywaỽt y
lettani ac odyno y deuth vỽch ben y ffyny+
aỽn ac a|y bendigỽys. maỽr hagen oyd y
niueroyd o ieirll a barỽneit a marcho+
gyon ar ymsang gantunt yn edrych ar
vedydyaỽ otuel. A charlys a|y delis ỽrth
vedyd. Ac odis iarll. A girad iarll norman+
di. Ac ny symudyssant hỽy y enỽ ef. nam+
yn y alỽ yn otuel val kynt. Ac yna gỽe+
| « p 17r | p 18r » |