Llsgr. Amwythig 11 – tudalen 109
Y Groglith
109
doeth kof ẏ pedẏr geireu Jessu ac ẏd aeth
aỻan ac ỽẏlaỽ ẏn hwerỽ a|r bore tran+
noeth yd aethant ẏ ẏmgẏghor am
rodi Jessu ẏ agheu a|e dỽyn gantunt
ẏn rỽẏm a|e rodi ẏ Pilatus o ẏnys peut
a|oed raclaỽ ẏna a phan welas Judas
ẏ gỽr a uradẏchỽẏs mẏnnu ẏ uot yn
ỽr dihenẏd ẏ duc ẏnteu y dec ar|hugei+
nt ac ẏ rodes ẏ tẏwẏssaỽc ẏ|r effeireit
a|heneif ẏ bobẏl drachefyn a|menegi v+
dunt pechu ohonaỽ am rodi ẏdunt gwae+
t ẏ gwirion pa beth heb hỽẏnteu a ber+
thẏn arnam ni ti a|welẏ Ac ẏna bỽrỽ a
oruc ẏnteu yr aryant ẏn|ẏ temẏl ac ym+
grogi e|hun a magẏl o ediuarỽch Ẏr offei+
reit ẏna a heneif ẏ bobẏl ẏr arẏant hẏn+
nẏ ny chẏnhedynt ẏ rodi ẏn llestẏr kẏf+
fredin ẏ demyl kanys gwerth ẏỽ ac o
gẏt·gẏghor ẏ prynyssant ohonẏnt tir ẏ
crochenẏd ẏ cladu alltutuon* ẏn|dẏanot
| « p 108 | digital image | p 110 » |