LlB Llsgr. Ychwanegol 14,912 – tudalen 74r
Campau'r Cennin
74r
a|ỽneler o hỽnn drỽy vrac a|ỽna vrin a
blodeu y heddychu dolur ystlysseu ac
arenneu a|chỽesigen a heint caỻon
ac y estỽng magodorth y perued oỻ ac
y agori cayadeu y gỽytheu oỻ.
Y berỽr gỽressoc a sych yỽ peri flam+
meu a|ỻys o|r kylla a|magodorth a|ỽna.
Letus oer yỽ a gỽlyb yn yr eil rad
gỽeỻ yỽ y gỽaet a vac noc vn ỻysseu
araỻ a gostỽng godineb a|ỽna bo brỽt
bo amrỽt. da y dyn oer y natur gyt ac
apium a mintys a gỽeỻ yn vrỽt noc
yn amrỽt a gỽeỻ yn ir noc yn grin.
Garỻec a|elỽir scordion y|groec a
gỽressoc yỽ a sych yn|y pedỽaredd rad
a da yỽ rac brath neidyr yuet y su+
gyn. neu iraỽ ac ef ac y difa pryuet
yg corff dyn o|y yuet yn amrỽt A
| « p 73v | p 74v » |