LlB Llsgr. Ychwanegol 19,709 – tudalen 71v
Brut y Brenhinoedd
71v
hynn. kanys py beth bynac a racweler yn da yn|y blaen y
gan doethon pan del ar weithret haỽs vyd y diodef. ac ỽrth
hẏnnẏ haỽs y gaỻỽn ninheu diodef ryfel gỽyr rufein
os o gyffredin gyfundeb a|chytgygor yn doeth y racue+
dylyỽn py wed y gaỻom ni gvahanu ac eu ryfel vynt.
a|r ryfel hỽnnỽ herwyd y|tybygaff. fi. nyt maỽr reit
in y ofynhau kanẏs andylyedus y|maent vy ẏn erchi
teyrnget o ynys. prydein. kanys ef a|dyweit dylyu y|talu idaỽ
vrth y dalu y vlkessar ac y ereiỻ gvedẏ ef. a hynny o|ach+
avs teruysc ac annundab y·rvg an hendadeu nineu
a ducsant wyr rufein y|r ynys hon ac o treis y gỽna+
ethant yn treulav. ac ỽrth hynny py beth bynac a gaf+
fer a|thvyỻ a|chedernit nyt o dylyet y|kynhelhir hỽnnỽ.
Pỽy bynac a|dycco treis peth andylyedus a geis y gyn+
hal. a chanys andy lyedus y|maent ỽy yn keissaỽ
teyrnget y gen hym ni. yn gynhebic y hynny nin+
heu a deissyfỽn teyrnget y gantunt ỽy o|rufein. a|r ka+
darnaf ohonom ni. kymeret y gan y ỻaỻ teyrnget kanys
a gverysgynnỽys vlkessar ac amherodron ereiỻ gỽedy
ef ynys. prydein. ac o achavs hynny yr avr·hon holi teyrnget
o·heni. yn gynhebic y hynny minheu a varnaf dylyu
o wyr rufein talu teyrnget i|minheu. kanys vy ry+
eni inheu gynt a|weryskynassant rufein ac a|e kyn ̷ ̷+
haỻ˄aassant. nyt amgen beli vab dyfynwal gan gan+
horthvy bran y vraỽt duc byrgvyn gvedy crogi pet ̷ ̷+
war gvystyl ar hugein o dylyodogyon rufein rac bron
y gaer. ac a|e dalyassant drvy lawer o|amseroed. a gvedy
| « p 71r | p 72r » |