Llsgr. Bodorgan – tudalen 108
Llyfr Cyfnerth
108
uod. Eil yỽ dỽyn gỽreic arall ar y phen yr ty.
a gyrru hitheu allan. Trydyd yỽ y hyspeilaỽ.
bot yn well gantaỽ y hyspeil no bot genti.
Tri chadarn enllip gỽreic ynt. Vn yỽ gỽelet
y gỽr ar wreic yn dyuot o|r vn llỽyn vn o pop
parth yr llỽyn. Eil yỽ gỽelet y gỽr ar wreic
dan vn vantell. Trydyd yỽ gỽelet y gỽr rỽg
deu vordỽyt y wreic. Tri pheth a haỽl dyn
yn lledrat ac ny chygein lledrat yndunt;
Eredic. A diot coet. Ac adeilat. Teir sarha+
et gỽreic ynt. Vn a drycheif. Ac vn a ostỽg.
Ac vn yssyd sarhaet gỽbyl. Pan rother cus+
san idi o|e hanuod. trayan sarhaet yssyd eis+
seu idi yna. Eil yỽ y phaluu. A honno yssyd
sarhaet gỽbyl idi. Tryded yỽ bot genthi o|e
hanuod. A honno a drycheif y trayan. O teir
fford y llyssir tyston. o tirdra. A gỽreictra.
A galanastra.
TRi meib yn tri broder vn vam vn tat.
ac ny dylyant ỽynt kaffel ran o tir y
gan eu brodyr vn vam vn tat ac ỽynt. vn
yỽ mab llỽyn a pherth. A gỽedy hynny ky+
mryt o|r vn gỽr yr vn wreic o rod ke+
nedyl. A chaffel mab o·honu. ny dyly y mab
| « p 107 | p 109 » |