Llsgr. Bodorgan – tudalen 22
Llyfr Cyfnerth
22
Maer a chyghellaỽr a gaffant gobreu merch+
et y tayogeu. A thrayan yt y tayogeu pan
ffohont o|r wlat. A thrayan yr yt a|r bỽyt
o pop marỽty tayaỽc. A thrayan eu kam+
lyryeu. Maer bieu rannu pop peth. A rig+
hyll bieu dewis yr brenhin. O|r damwe+
inha yr maer na allo dala ty; kymeret
y tayaỽc a dewisso attaỽ ulỽydyn o|r kal+
an mei y gilyd. A mỽynhaet laeth y tay+
aỽc yr haf. Ae yt y kynhayaf. Ae voch
y gayaf. A phan el y tayaỽc y ỽrthaỽ; ga+
det idaỽ pedeir hych maỽr a baed. Ae ys ̷+
crybyl ereill oll. Ac ỽyth erỽ gỽanhỽy ̷+
nar. A phedeir erỽ gayafar. Ar eil ulỽyd+
yn ar tryded gỽnaet y velly. Ac nyt yr
vn tayaỽc hagen. Odyna ymborthet ar
y eidaỽ e hun teir blyned ereill. Neu wa ̷+
redet y brenhin arnaỽ o rodi tayogeu id+
aỽ yn| y mod gynt. Pan gollo dyn y an+
reith o gyfreith; y maer ar kyghellaỽr a
gaffant yr anneired ar enderiged ar di ̷+
newyt yn deu hanher y rydunt.
Dylyet y kyghellaỽr yỽ kynhal dad ̷+
leu y brenhin yn| y ỽyd ac yn| y aỽsen.
| « p 21 | p 23 » |