LlGC Llsgr. 24049 (Boston 5) – tudalen 22
Llyfr Blegywryd
22
lbort ẏ gan ẏ brenhin. A|modrỽy eur ẏ gan ẏ
vrenhines. Ac na rodet. ac na werthet ẏ
rei hẏnnẏ vẏth. Nẏ|dẏly vot ẏn vraỽdỽr.
namẏn ẏ|neb a|dẏsccer mal hẏnnẏ. neu a
vo kyuarwyd ẏ|mẏỽn kẏureith. Ac a|tẏ+
gho mal hwnnỽ. na barnho cam varnn.
yn y vywyt idaỽ ef.
T ri pheth a|berthẏn ỽrth vraỽdỽr.
vn yỽ dillỽg kẏuarcheu ỽrth reit
y brenhin. Eil ẏỽ; datcanu a|dosba+
rth kynhenneu ẏ|mẏỽn llẏs. Trẏdẏd ẏỽ;
ẏr hẏnn a|dosbartho trỽẏ varn. ẏ gadarn+
hau trỽẏ wẏstẏl. a|braỽdlẏuẏr. ot ẏmỽ+
ẏstlir ac ef. neu os gouẏn ẏ brenhin idaỽ
heb ẏmỽẏstlaỽ. O deruẏd rodi braỽt ẏ
dẏn. ac amheu ẏ|vraỽt o|r|neb ẏ|barnỽẏt
idaỽ. mal ẏ bo dir y|r neb a|e barnaỽd ẏ|det+
urẏt. A|bot llaỽer o ẏgneit ỽrth hẏnnẏ.
A bot amrẏsson pỽẏ a|dẏlẏho ẏ|deturẏt.
ae|paỽb ohonunt. ae vn. kẏfreith a|dẏỽe+
it o|r bẏd ẏgnat llẏs ỽrth ẏ varnn. ef a
delẏ ẏ deturẏt. Onnẏ bẏd hỽnnỽ. a bot
| « p 21 | p 23 » |