LlGC Llsgr. 24049 (Boston 5) – tudalen 65
Llyfr Blegywryd
65
TRi meib ẏssẏd; nẏ dẏlẏant gẏ+
fran o|tir ẏ|gan eu brodẏr vn
vam vn tat ac wẏnt. Mab a
gaffer ẏn llỽẏn ac ẏm|perth
ac ẏn aneduaỽl. A gỽedẏ hẏnnẏ kẏmrẏt
ẏ vam o|rod kenedẏl. A chaffel mab arall;
nẏ dẏlẏ hỽnnỽ gẏfranu tir a|r mab a|ga+
hat kẏn·noc ef. ẏn llỽẏn ac ẏm|perth.
Yr eil ẏỽ; kẏmrẏt o|ẏscolheic ỽreic o|rod
kenedẏl. A|chaffel mab ohonnei. Ac odẏ+
na kẏmrẏt o|r ẏscolheic vrdeu offeirada+
eth. Ac odẏna caffel mab ohonnaỽ o|r vn
weic*. nẏ dẏlẏ ẏ|mab kẏntaf
ti a|hỽnnỽ. Kannẏs ẏn erbẏn dedyf y
kaat. Trẏdẏd ẏỽ; Mut. kany dyly
tir iẏt* atteppo drostaỽ. Kanny rodir
gwat* ẏ|uut.
Tri dyn a gynnyd eu breint yn
vn dyd Tayawctref y kysseccrer
eglwys yndi gan ganhat y
brenhin dyn o r tref honno
a uei y bore yn tayawc a r nos honno yn wr ryd
Eil yw dyn y rotho y brenhin vn o r pedeir
swyd ar hugeint llys breinhawl idaw kyn
rodi y swyd idaw yn vab tayawc
| « p 64 | p 66 » |