LlB Llsgr. Cotton Titus D IX – tudalen 31r
Llyfr Blegywryd
31r
colli tref y tat o|e hachaỽs o gyureith; llad
y arglỽyd. a llad y bennkenedyl. a llad y
teispan tylye. Rac trymhet y kyfulaua+
neu hynny. TRi anhebcor breyr; y|telyn.
a|e vreccan. a|e gallaỽr. TRi anhebcor ta+
yaỽc; y gauyn. a|e trothyỽ. a|e tal+.
brenn. TRi pheth ny s kyuran brenhin
a|neb; y|eurgraun. a|e hebaỽc. a|e|leidyr.
T Ri phetỽar y·ssyd. kynntaf ynt;
petỽar a·chaỽs yd|ymhoelir bra+
ỽt; O|ofuyn gỽyr keteirnn.
a chas galon. a|charryat kyueillonn.
a serch da. Eil petỽar yỽ; pedeir tary+
an a a yrỽg dyn a reith gỽl at
rac haỽl letrat. vn yỽ ohonu nt.
Cadỽ gỽestei yn gyureithaỽl. nyt
amgen no|e gadỽ o|bryt gorchyfuaerỽ*
hyt y bore. a dodi y laỽ drostaỽ o|e|gyỽe ̷+
ly teir gỽeith yn|y nos honno. a|hynny
tygu ohonaỽ a|dynyon y|ty ynn|y|reith.
Eil yỽ geni. a|meithrin. tygu o|r perche+
nnaỽc. ar y trydyd o wyr vn vreint ac
ef. gỽelet geni yr annyueil a|e veith+
ryn ar|y helỽ heb y|vynet teir nos y
vrthaỽ. nac o|rod. nac o werth. Trydyd
yỽ gỽarant. Petỽeryd yỽ; cadỽ kyn
| « p 30v | p 31v » |